Նախընտրական այս փուլը ռեալ խանգարում է տնտեսության ակտիվությանը. Վարչապետ
Նախընտրական այս փուլը ռեալ խանգարում է տնտեսության ակտիվությանը. այս մասին ՀՀ լրատվամիջոցների ղեկավարների հետ հանդիպման ժամանակ հայտարարեց ՀՀ վարչապետ Կարեն Կարապետյանը: Նա նշեց, որ շատերը նույնիսկ գույքը առնելուց հետաձգում են ապրիլի երկուսից հետո, գործարարները՝ նույն կերպ: «Եթե մենք կարողանանք ռեալ արդար միջավայր ստեղծենք և բիզնեսը հասկանա, որ իր համար զարգացումներ չեն լինի, խոչընդոտներ չի ունենա, իր գումար դնելու համարձակությունը բավականին աշխուժանում է»,- ասաց նա: Անդրադառնալով Հարկային օրենսգրքին, նա ասաց, որ այն իր էությամբ վատ փաստաթուղթ չէ, և այս օրենսգրքի ընդունումը դժգոհություն էր առաջացրել այն գործարարների մոտ, որոնք աշխատում են «սպիտակ դաշտում» և նրանց համար հարկն ավելացել է: Ինչ վերաբերում է գազի գնին, ապա վարչապետն ասաց, որ գազի գինը Հայաստանի սպառողների համար որոշվում է պարզ մեխանիզմներով։ «Գազի գնի վրա ազդում են մի քանի գործոններ, այդ իսկ առումով բոլոր այն երկրները ում հետ համեմատում են Հայաստանի գազի գները և մարժաները, տարբերվում են Հայաստանից. մենք միակն ենք, որ սեփական գազ չունենք և տրանզիտի գործոն չունենք»,-ասաց նա:
Հետևեք մեզ Viber-ում
