Թրամփի փեսան պաշտոն կունենա Սպիտակ տանը. The Wall Street Journal

Ջարեդ Կուշները՝ The New York Observer ընկերության ղեկավարը և ԱՄՆ նորընտիր նախագահ Դոնալդ Թրամփի փեսան, որը նախընտրական քարոզարշավի ժամանակ ստանձնել է խորհրդականի պարտականությունները, կարող է առանցքային պաշտոն ստանալ  Սպիտակ տանը։ Այս մասին գրում է The Wall Street Journal-ը։ Թրամփի փեսան կզբաղեցնի ավագ խորհրդականի կամ իրավական հարցերով հատուկ խորհրդատուի պաշտոնը։ Նա նաև առանցքային դերակատարում կունենա Սպիտակ տանը ոչ պաշտոնական միջավայրում՝ առանց պաշտոն ստանձնելու։