Ի՞նչ օգուտ հանդիպումներից . Սերժ Սարգսյան
«Պատրաստ եմ հանդիպել Ադրբեջանի նախագահ Իլհամ Ալիևի հետ, եթե հանդիպումն օգուտ կբերի։ Մենք երբեք չենք հրաժարվել ինչ-որ հանդիպումներից՝ լինի դա նախագահի, արտգործնախարարի, անգամ աշխատանքային մակարդակով, սակայն միշտ կողմ ենք, որպեսզի այդ հանդիպումները օգուտ տային, լինեին ինչ-որ առաջընթացներ։ Եթե չկա առաջընթաց, եթե մենք հանդիպում ենք, իսկ հետո չեն կատարվում պայմանավորվածությունները, ի՞նչ օգուտ հանդիպումներից»,- հայտարարել է Հայաստանի նախագահ Սերժ Սարգսյանը «Ռուսաստանն այսօր» գործակալության գլխավոր տնօրեն Դմիտրի Կիսելյովին տված հարցազրույցում: «Հայկական կողմը ցանկանում է և պատրաստ է «թեկուզ վաղը ստորագրել հրադադարի խախտումների հետաքննության մեխանիզմների ստեղծման մասին համաձայնագիր»։Մենք ցանկանում ենք, որպեսզի և՛ ԵԱՀԿ Մինսկի խմբի համանախագահները, և՛ համաշխարհային հանրությունը հստակ իմանան, թե ով է խախտում հրադադարը»,- հայտարարել է Սերժ Սարգսյանը։
Հետևեք մեզ Viber-ում
