Վիգեն Սարգսյանն ինքնավստահ է. «Ճիշտ եմ արել»
ԱԺ քառօրյայում այսօր իր եզրափակիչ ելույթում Պաշտպանության նախարար Վիգեն Սարգսյանը հայտարարեց, որ ԱԺ է գալիս Եռաբլուրից, որտեղ այցելել է 20-ամյա հերոս Ռոբերտ Աբաջյանի շիրիմին. «Ես նայում էի այնտեղ կանգնած ծնողների աչքերին, շիրիմներին, հասկացա, որ մենք միանշանակ ճիշտ ենք. եթե ինչ-որ պահի մենք չենք ունեցել մի զինատեսակ, դա չի նշանակում, որ վաղը մենք չենք փորձելու այն վաղը ձեռք բերել: Աստված կտա, ու մենք կլինենք այն երկիրը, որ կկարողանանք հինունոր հատուցել բոլորին: Այնպես որ, այստեղ եկել եմ շատ ամրացած, որ կազմել եմ ճիշտ նախագիծ ու ԱԺ եմ բերել այն այս տեսքով: Պետք է խնդրեմ բոլորիդ՝ շատ խորը մտածել այս ասածիս մասին՝ մինչեւ քվեարկությունը, քանի որ չէի ուզի՝ անկախ նրանից՝ ոնց ենք վերաբերում նախագծին, որեւէ մեկը դեմ քվեարկեր, եթե անգամ իր համոզմունքը թույլ չի տալիս կողմ քվեարկել այս նախագծին այս տեսքով: Խնդրանքս է բոլորին՝ ով իր մեջ ուժ չի գտնում իր ասածին հակառակ քվեարկել կողմ, գոնք չքվեարկել: Դա կարեւոր ազդակ կլինի բոլոր նրանց, որոնք հետեւում են այս քվեարկությանը»: Նախարարը հորդորեց կողմ քվեարկել օրենքի նախագծին, դեմ կոճակը չսեղմել, իսկ ասածին հակառակ կողմ քվեարկելու պարագայում, գոնե՝ չքվեարկել, որովհետև քվեարկությանը հետևում են Հայաստանից դուրս:
Հետևեք մեզ Viber-ում
