Վիգեն Սարգսյանը երեկ ուշ երեկոյան հանդիպում է ունեցել

Hayeli.am-ի ունեցած տեղեկություններով երեկ ուշ երեկոյան ՀՀ Պաշտպանության նախարար Վիգեն Սարգսյանը հանդիպում է ունեցել որոշ մտավորականների հետ: Հանդիպման ընթացքում քննարկման հիմնական թեման եղել է հազար դրամ հավաքելու ՊՆ նախաձեռնությունը: Մեր աղբյուրների փոխանցմամբ հանդիպումը տեղի է ունեցել ժամը 22:00-ի սահմաններում, մասնակցել է ավելի քան քառասուն մտավորական: <Նրանց մեջ է եղել Զորի Բալայանը, Մերուժան- Տեր Գուլանյանը, Արմեն Էլբակյանը, Դավիթ Մուրադյանը, Ռուբեն Բաբայանը եւ այլոք>,- ասաց մեր աղբյուրը: Քննարկման ընթացքում նախ խոսել է Վիգեն Սարգսյանը, որի ժամանակ ներկայացրել է խնդիրը, ապա հաջորդել են մտավորականների ելույթները: Հանդիպման ընթացքում եղել են իրարամերժ կարծիքներ, որոնք ամփոփելով Վիգեն Սարգսյանն ասել է, թե ինքը պատրաստ է շատ լայն քննարկման: Սարգսյանը նշել է, որ առաջիկայում հանդիպում է ունենալու ԶԼՄ ներկայացուցիչների հետ: Կա նաեւ առաջարկ կազմակերել հանրային քննարկում: Արվեստագները ասել են, որ ողջունում են ՊՆ Վիգեն Սարգսյանի քայլը, բայց գտնում են, որ հանրային քննարկումները պետք է անցկացվեին մինչեւ նախագիծը Կառավարության հավանության արժանանալն ու ԱԺ-ում քննարկումներ կազմակերպելը: Հիշեցնենք, որ երկու օր է ԱԺ-ում քննարկվում է հազար դրամ գանձելու նախագիծը: