«Ով չի ցանկանում պահել և հոգ տանել իր սեփական բանակի համար, նա ստիպված է լինելու պահել և կերակրել օտարի բանակը»
Հայաստանի Հանրապետական կուսակցությունում բարձր են գնահատում մարտական հերթապահության ընթացքում զոհված կամ հաշմանդամ դարձած զինծառայողների ընտանիքներին հատուցելու համար հատուկ հիմնադրամի ստեղծման գաղափարը, որին յուրաքանչյուր աշխատող քաղաքացի ամսական 1000 դրամ կփոխանցի: ՀՀԿ ԳՄ նիստից հետո լրագրողների հետ հանդիպմանն այս մասին ասաց ՀՀԿ խոսնակ, ԱԺ փոխնախագահ Էդուարդ Շարմազանովը: «Մենք բարձր ենք գնահատում այդ նախաձե ռնությունը. այն միտված է համերաշխություն քարոզել մեր քաղաքացիների շրջանում, այն միտված է ազգ-բանակ կոնցեպտի զարգացմանը»,- նշեց Շարմազանովը: Նա հավելեց, որ շատ կարևոր նախաձեռնություն է՝ հավելելով, որ բոլոր առկա խնդիրները պետք չէ խառնել այս նախաձեռնության հետ: «Մենք բոլորս պետք է մասնակցենք մեր անվտանգության ամրապնդման գործին: Իսկ հնարավոր չարաշահումների խնդրին այսօր անդրադարձավ նաև պաշտպանության նախարարը և ասաց, որ հիմնադրամի միջոցները պետք է կառավարվեն հնարավորինս թափանցիկ: Այսօր նախարարը նաև հայտարարեց, որ այդ հիմնադրամի հոգաբարձուների խորհրդի կազմում կառավարության երեք ներկայացուցիչներից երկուսի տեղերը պատրաստ են հատկացնել մեր ընդդիմադիր գործընկերներին, որպեսզի հասարակության, ընդիմադիրների մոտ հարցեր չառաջանան»,- ընդգծեց ԱԺ փոխնախագահը: Անդրադառնալով հնչող կարծիքներին, թե հարկավոր է պայքարել ստվերի և կոռուպցիայի դեմ և դրա արդյունքում առաջ եկող լրացուցիչ ֆինանսական միջոցները հատկացնել այդ հիմնադրամին՝ Շարմազանովն ասաց. «Ստվերի դեմ պետք է պայքարել, կոռուպցիայի դեմ պետք է պայքարել, բայց միևնույն ժականակ յուրաքանչյուր քաղաքացի պետք է մասնակցի ազգային գործերին: Այս հիմնադրամի հավաքած գումարները ավելորդ չեն լինի, մենք Հայաստանի քաղաքացի ենք և յուրաքանչյուրս պետք է մեր ներդրումը ունենանք: Ես այստեղ հիշեցի Նապոլեոն Բոնոպարտի հայտնի խոսքերը. «Ով չի ցանկանում պահել և հոգ տանել իր սեփական բանակի համար, նա ստիպված է լինելու պահել և կերակրել օտարի բանակը»: Շարմազանովը հավելեց նաև, որ այդ գաղափարը ոչ թե իշխանությունների, այլ ներքևից եկած գաղափար է: Նա հիշեցրեց, որ ապրիլյան պատերազմի օրերին հայ ժողովուրդը իր վերջին լուման ներդրել է բանակի, զոհված և վիրավոր զինծառայողների աջակցությանը: Հարցին, արդյո՞ք նման նախաձեռնությունը նշանակում է, որ իշխանությունները պատերազմի են պատրաստվում, Էդուարդ Շարմազանովը պատասխանեց. «Քանի դեռ չկա խաղաղության պայմանագիր, քաղաքական իշխանությունը պետք է պատրաստ լինի բաց սցենարի: Մենք մեր հասարակությանը պատրաստում ենք խաղաղության, սակայն, հաշվի առնելով Բաքվից և Անկարայից հնչող հայտարարությունները, մենք երկար տարիներ պետք է մեր առջև ունենանք անվտանգության համակարգն ամրապնդելու անհրաժեշտությունը: Առանց ուժեղ և կայացած անվտանգության մենք չենք կարող խոսել ոչ տնտեսական զարգացումի ց, ոչ էլ սոցիալական խնդիրների լուծումից: Այսօր Հայաստանի և Արցախի համար օրակարգային է անվտանգության համակարգի ամրապնդումը»:
Հետևեք մեզ Viber-ում
