50 միլիոնը արդյոք շատ չէ այդ միջոցառման համար. Վարդան Դեւրիկյան
«Հայելի» մամուլի ակումբում Գրականության ինստիտուտի տնօրեն Վարդան Դեւրիկյանը նշեց, որ 1000-ական դրամ տրամադրել մեր բանակին, շատ ոգևորող է: «Յուրաքանչյուրը 1000 դրամ տալով` բարեգործության մակարդակն է նաև բարձրանում, վեհացվում, և, անկախ սոցիալական վիճակից, կարծում եմ, որ 1000 դրամը խորհրդանշական քայլ է, ելակետ: Վաղուց էր քննարկվում ազգային տուրքի գաղափարը, և սա, կարծում եմ, հենց մեր ազգային տուրքը կլինի: Բացի այդ` Սփյուռքն էլ պետք է մասնակից լինի սրան, Սփյուռքի նախարար Հրանուշ Հակոբյանը պետք է կոչով հանդես գա ու ասի, որ երկքաղաքացիություն ունեցողները 2 ամիսը մեկ 5 դոլար տան բանակի համար»,- ասաց Դևրիկյանը: Հարցին, թե արդյոք պետք է, որ պաշտպանության նախարարությունը պատրաստվում է 50 միլիոն դրամ հատկացնի համերգի կազմակերպմանը, եւ այդ կոնտեքստում 1000 գանձել քաղաքացիներից Դեւրիկյանը պատասխանեց. «Ես էլ եմ կարդացել, զարմացած եմ մնացել: Ինչքանով հասկացա հունվարի 28-ի միջոցառման համար է: Շատ ճիշտ կլիներ, որ հարցադրում ուղղվի, թե 50 միլիոնը արդյոք շատ չէ այդ միջոցառման համար, թվերը բացվեն, ցույց տան»: Վարդան Դեւրիկյանը 1000 դրամների ֆոնին պատշաճ չի համարում 50 միլիոն դրամ համերգին հատկացնելը: Դևրիկյանը նշեց նաև, որ այս կոնտեքստում պետք է կրճատենք նաև բանակին կամ այլ միջոցառումներին նվիրված օրերին ծախսվող գումարները:
Հետևեք մեզ Viber-ում
