Վիգեն Սարգսյանի ակնկարկը գեներալներին
ԱԺ նիստում քննարկվում է բանակում հատուցման համակարգն ապահովող հիմնադրամի ստեղծման հարցը՝ «ՀՀ պաշտպանության ժամանակ զինծառայողների առողջությանը կամ կյանքի վնասի փոխհատուցման մասին» օրինագիծը, որի մասին զեկուցեց Պաշտպանության նախարար Վիգեն Սարգսյանը: Հիշեցնենք, որ խոսքը մարտական գործողությունների ժամանակ զոհված զինծառայողների ընտանիքների և հաշմանդամ դարձած զինծառայողների հատուցման և ապահովագրության համար ստեղծվող հիմնադրամի մասին է, որի գումարները գոյանալու են յուրաքանչյուր աշխատողից ամսեկան 1000 դրամ գանձելով: Վիգեն Սարգսյանի խոսքով՝ կան օրենքում վերանայման հարցեր, օրինակ այն, որ այն ընտանիքները որոնք ունեն ժամկետային զինծառայողներ, չպետք է վճարեն այդ գումարը: Ըստ նախարարի, դա շատ տրամաբանական առաջարկ է, որի առաջարկությամբ հենց ինքը հանդես կգա: «Այս օրինագիծը սուր հաճախ միմյանց վիրավորող արտահայտությունների տեղիք է տվել այս օրերին, սակայն այս օրենքի բովանդակությունը կարծես այն չէ, որ պիտակավորեն մեկը մյուսին: Միաժամանակ՝ առաջարկելով այս օրենքի նախագիծը, չէի կարող ունենալ միավորներ կուտակելու ձգտում, չեմ փնտրել սրա մեջ քաղաքական դիվիդենտներ, այլ ցանկանում ենք ունենալ մի հարցի պատասխան՝ հնարավոր է արդյոք նոր քաղաքականություն ներկայացնել այս հարցնում: Ունենք հայրենիքի համար զոհվածներ, հաշմանդամներ, եթե փորձեինք բյուջեի հաշվին անդրադարձ կատարել բոլորին, ապա կկատարեինք պոպուլիստական քայլ՝ ընդառաջ ԱԺ ընտրություներին, բայց բյուջեի գումարները դրա հնարավորությունը չեն տալիս: Ուզում եմ ազնիվ ասել, որ միայն ուրախ և կողմ կլինեմ, թե պատգամավորներից յուրաքանչյուրը և համապատասխան մարմինները անուն առ անուն թվարկեն նրանց, ովքեր փորձել են պաշտպանության բյուջեի հաշվին կառուցել իրենց ընտանիքների ենթադրյալ երջանկությունը: Խորապես վստահ եմ, որ դա անհնար է ոչ միայն իրավական, այլ բարոյապես»- նշեց Վիգեն Սարգսյանը: Փայլակ Ֆահրադյան
Հետևեք մեզ Viber-ում
