Ես այնպես եմ ատում այդ հայերին. Կոլումբիական դրոշը կոտրած ադրբեջանցի
Նոյեմբերի 9-ին՝ Ադրբեջանի պետական դրոշի օրվա առթիվ կազմակերպված միջոցառումներին, Դաշկյասանի շրջանի գործադիր իշխանության ղեկավար Ախադ Աբիեւը բռունցքով կոտրել էր Կոլումբիայի դրոշի մակետը՝ կարծելով թե դա Հայաստանի դրոշն է։ Այդ վարքագիծը բուռն արձագանք էր առաջացրել սոցցանցերում։ Ադրբեջանցի չինովնիկը հարցազրույց է տվել «Ենի Մուսավաթ» թերթին ու պարզաբանել դեպքը և նշել իր ատելությունը հայերի նկատմամբ: «Ես այնպես եմ ատում այդ հայերին»,-ասել է Ախադ Աբիեւը։ Ինչպես նա է ասել՝ հայերը «տառերը գողացել են Հնդկաստանից», «դրոշն էլ Կոլումբայից են գողացել»։ «Ես կոտրեցի այդ դրոշը մեկ հարվածով»,- հայտարարել է վերջինս։
Հետևեք մեզ Viber-ում
