Քանի Բալասանյան քեռին կա
Երեկ տեղի ունեցավ Գյումրու ավագանու հերթական նիստը, որի ընթացքում ավագանու հաստատմամբ քաղաքապետարանում 38-ով կրճատվեց աշխատակիցների թիվը: Ավագանու հերթական նիստին չէին մասնակցում ընդդիմադիր ԳԱԼԱ, ԲՀԿ եւ Հայկական Վերածնունդ կուսակցությունների նեկայացուցիչները: Հիշեցնենք, որ հիշյալ կուսակցությունները բոյկոտել են ավագանու նիստերը, եւ ներկայումս Սահմանադական դատարանում վիճարկում են Գյումրու թիվ 34 ընտրատարածքային ընտրական հանձնաժողովի որոշումը, որով հանձնաժողովը մեկական մանդատ էր վերցրել եւ տվել Բալասանյան դաշինքին, որպեսզի վերջինս կազմի մեծամասնություն: Երեկ կայացած ավագանու նիստի ընթացքում աշխատանքից ազատվածներին ըստ էության Բալասանյանը պատժում է, որովհետեւ ,ըստ տեղեկությունների նրանք ընտրություններում ակտիվորեն չեն աշխատել <շեֆի> համար: Այս ամենին զուգահեռ Գյումրու ավագանու երեկվա նիստում որոշում կայացվեց Գյումրի համայնքի ավագանու ֆինանսավարկային և տնտեսական հարցերի մշտական հանձնաժողովի նախագահ ընտրել Լուսինե Ռուբենի Սանոյանին: Վերջինս Գյումրու փոխքաղաքապետի՝ Ռուբեն Սանոյանի դուստրն է, իսկ Սամվել Բալասանյանն էլ նրա քեռին է: Ստացվում է Գյումրու գործող քաղաքապետ Սամվել Բալասանյանը ում ճակատին մի ժամանակ դաջված էր ՕԵԿ, հետո ԲՀԿ, հիմա էլ <անկուսակցական> ՀՀԿ, արհամարհում է վարչապետ Կարեն Կարապետյանի հայտարարությունը: Հիշեցնենք Կարապետյանը հայտարարել էր, որ պետք է քավոր սանիկային հարաբերություններին վերջ տալ: Իհարկե Բալասանյանը կարող է մանրեւրել, հայտարարելով, որ վարչապետի հայտարարությունը վերաբերում է ուսումնական հաստատություններին, դե իսկ քաղաքապետարանն էլ ինչպես Գյումրու նախկին քաղաքապետ Վարդան Ղուկասյանն էր ասում գյումրեցիների <հորանց> տունն է: Փաստորեն գործարար քաղաքապետ Բալասանյանը Գյումրու քաղաքապետարանը դարձրել է ժողովրդական լեզվով ասած հոր դյուքանը, եւ քաղաքապետարանը լցրել է ազգականներով: Իսկ որպեսզի քեռու աղջիկը իրեն լավ զգա, պետք էր բարձրացնել նաեւ քեռու աշխատավարձը, ինչը եւ արեց Գյումրու ավագանին: Մեկ այլ քվեարկությամբ ընդունվեց նախագիծ, որի համաձայն՝ Բալասանյանի փեսայի՝ Ռուբեն Սանոյանի աշխատավարձը բարձրացվեց 6500 դրամով՝ հասնելով 250 000 դրամի: Ի դեպ Լուսինե Սանոյանին է պատկանում Գյումրու բարեգործական բաղնիքը: Փայլակ Ֆահրադյան
Հետևեք մեզ Viber-ում
