Սիրտը մի քիչ արագ էր խփում. Մերի Մարգարյանի մահվան գործով դատական նիստը շարունակվում է

Երեւանի Շենգավիթ վարչական շրջանի ընդհանուր իրավասության առաջին ատյանի դատարանում շարունակվում է ծննդկան Մերի Մարգարյանի և նրա նորածնի մահվան գործով դատավարությունը` դատավոր Դավիթ Բալայանի նախագահությամբ։ Այսօրվա դատական նիստին վկայի կարգավիճակով դատարանում ցուցմունք տվեց «Շենգավիթ» ԲԿ-ի սրտաբան Անուշ Թադևոսյանը: «Հուլիսի 27-ի առավոտյան ժամը 9-ի սահմաններում Շուշանիկ Բախշյանը զանգել ասել էր, որ հղի ունի, և ցանկանում է , որ ես հետազոտեմ: Ես այցելել եմ, հետազոտել եմ, էլեկտրասրտագրություն է արվել, թոքերի զննում է արվել, թոքերը մաքուր էր: Սիրտը մի քիչ արագ էր խփում, ինչը հղիների մոտ նորմալ է»,- իր խոսքում ասաց Անուշ Թադեւոսյանը: Հարցին, թե Մերի Մարգարյանի գանգատները կարո՞ղ էին խոչընդոտ հանդիսանալ, որ բժիշկը չկարողանար նորմալ լսել թոքերը, վկան հայտարարեց, թե Մերի Մարգարյանը խորը շնչել է: Հարցին, թե հաճախասրտությունը ինչի՞ հետևանք կարող էր լինել, Անուշ Թադևոսյանն ասաց, որ այն կարող էր կապված լիներ վիրուսի հետ: Սակայն դատարանը գտավ, որ Անուշ Թադևոսյանի նախաքննական ցուցմունքում և ներկա ցուցմունքում էական հակասություններ կան և հրապարակեց նախաքննական ցուցմունքը.« Հուլիսի 27-ին առավոտյան 9:20-ի սահմաններում Շուշանիկ Բախշյանի ուղեկցությամբ, Մերի Մարգարյանը եկել հետազոտման; Նրա սիրտն արագ էր բաբախում, պուլսը 130 էր, այլ շեղում չկար: Ձախ կողմը մի փոքր կոշտացած էր, ձախ կողմում վեզիկուլյար շնչառությունուն էր»: Բժիշկը նաև իր ցուցմունքում նշել էր, եթե թոքաբորբ առկա լինելու դեպքում, ապա կհայտնաբերվեր: Դատավորի հարցին, թե հնարավոր էր հետազոտումից մի քանի ժամ անց մարդու մոտ զարգանա երկկողմանի թոքաբորբ վիրուսի կամ այլ պատճառով, Անուշ Թադոսյանը նշեց. <Ես նշել եմ վեզիկուլյար շնչառություն, ուրեմն դա լրիվ մաքուր է, թոքաբորբի ժամանակ թոքը կոշտացած չի լինի, այն կարող է կոշտացած լինել մրսածության դեպքում, ցանկացած վիրուսի դեպքում: Նայած բարդոթան, կարող էր առաջանալ»: Վկան այդքանով ավարտեց իր ցումցմունքը, պաշտպանական կողմը հարցեր չուներ: Հիշեցնենք, որ Մերի Մարգարյանը մահացել է կեսարյան հատումից հետո՝ «HELLP» սինդրոմ համախտանիշի թոքաբորբ ախտորոշմամբ, «Էրեբունի» բժշկական կենտրոնում՝ 2015 թվականի հուլիսի 29-ին, իսկ հաջորդ օրը մահացել է նաև վերջինիս նորածին դուստրը: Փ.Ֆահրադյան