Կառավարությունը կզբաղվի ՀԷԿ-ով

ՀՀ Բնապահպանության նախարարությունը ստուգումներ է իրականացնելու ՀԷԿ-ում: Այս մասին այսօր հրավիրված մամլո ասուլիսի ժամանակ նշեց Բնապահպանության նախարարի տեղակալ Խաչիկ Հակոբյանը: «Շաքեի ջրվեժի հետ կապված արդեն դիմել ենք կառավարությանը, որ մեզ թույլ տան ստուգումներ իրականացնել այնտեղ: Մենք տեղյակ ենք, որ խնդիրներ կան, արդյունքների մասին մենք կկիսվենք ձեզ հետ, թե ինչ խնդիրներ, ինչ որոշումներ են կայացվել, ու ինչ չարաշահումեր են եղել: Խնդիրը չի սահմանափակվելու Շաքեի ջրվեժով, խնդիր է դրված հանրապետության վարչապետի կողմից և նախարարությունն իրականացնելու է ստուգումներ բոլոր ՀԷԿ-երի մասով»,-ասաց Խաչիկ Հակոբյանը: Նա չբացառեց հնարավորությունը, որ ՀԷԿ կառուցելու համար թույլտվություն տալու հարցը կխստացվի: Փոխնախարարը հայտնեց, որ նախարարությունը օպտիմալացման հանձնարարականի շրջանակներում 3 փուլով նախատեսել է գործողություններ. 1 փուլով առաջարկում են նախարարության մոնիտորինգային ՊՈԱԿ-ները, որոնք նույն գործառույթները չեն անում, այլ շրջակա միջավայրի տարբեր կոմպոնենտի գործառույթ են իրականացնում, միանան, ինչպես նաև նրանց միանա տեղեկատվական և վերլուծական բլոկը: Լրագրողներից մեկի հարցին, թե կլինեն կրճատումներ նախարարությունում, նա պատասխանեց. «Գումարային առումով կրճատումները կինեն 20 միլիոն, բայց կառավարությանը խնդրելու ենք հնարավորություն տալ խնայված միջոցների հաշվին մասնագիական պահանջված բացը լրացնենք, որ մինչև այսօր ֆինանսական միջոցների բացակայությամբ հնարավոր չի եղել անել»: Փոխնախարարը նաեւ ասաց, որ բնապահպաններից էլ ստացել են առաջարկների փաթեթ, ուրբաթ օրը հրավիրել են քննարկելու և կառուցողական առաջարկները կներգրավվեն բյուջեի նախագծում: Ինչ վերաբերում է բնապահպանների քննադատությանը, թե նախարար Արծվիկ Մինասյանը մանսագետ չէ, իրավաբան է ու տնտեսագետ, բայց ոչ բնապահպան, ապա փոխնախարարը շեշտեց. «Նախարարն ունի 2 մասնագիտություն, իրավաբան է ու տնտեսագետ, ինչը միայն օգնում է աշխատանքին, թիմը շատ առողջ համագործակցում է իր ղեկավարի հետ, 2 մասնագիտությունների առկայությունը օգնում է, որ նախարարը ճկուն կերպով անդրադառնա խնդիրներին 2 կողմից»: Փ.Ֆահրադյան