Փոխնախարարը դուրս է եկել սոցցանցերից՝ հեծանիվային քննարկումներից հետո
ՀՀ առողջապահության նախարարի տեղակալ Սամվել Մարգարյանը, անդրադառնալով իր՝ հեծանիվով երթեւեկելու վերաբերյալ հրապարակային քննարկումներին, այսօր նշեց, որ դա իր անձնական որոշումն է եղել: «Ես ամենեւին օրինակ չեմ ուզում ծառայել, ես այդ միսիան չունեմ ու դա PR քայլ չէ: Դա իմ անձնական որոշումն է: Ես ոչ մեկի չեմ խրախուսում իմ պես հեծանիվ վարել, դա իր ռիսկերն ունի»,-ասաց նախարարի տեղակալը՝ նշելով, որ մամուլում հայտնված և սոցցանցերում շրջանառված այդ քննարկումներն իրեն ստիպել են հեռանալ սոցիալական ցանցերից: «Ես սիրում եմ, որ քննարկում են ոչ թե իմ անձը, այլ իմ աշխատանքը»,- եզրափակեց նա:
Հետևեք մեզ Viber-ում
