«Ռոսիա-24»-ի անդրադարձը Հայաստանին

«Ռոսիա-24» հեռուստաընկերության կիրակնօրյա տեղեկատվական- վերլուծական հաղորդման շրջանակում անդրադարձ է կատարվել Հայաստանի և Ռուսաստանի հարաբերություններին, Հայաստանի զբոսաշրջությանը, Սիրայի հայ համայնքի ձևավորմաը: «Ռուսաստանն ու Հայաստանը վարում են ազնիվ խաղ» վերնագրված ռեպորտաժում նշվում է նաև, որ այս տարի գինու արտահանումը Ռուսաստան ավելացել է 20 տոկոսով։ «Ռուսաստանը Հայաստանի ամենախոշոր ներդրողն է»,- ասվում է ռեպորտաժում։ «Մինչ Սիրիայի զինված հակամարտությունը երկրում բնակվում էր մոտ 100 հազար էթնիկ հայ, միայն Հալեպում՝ 60 հազար։ Փրկվելով պատերազմից և ահաբեկիչներից՝ նրանցից շատերը գնացին պատմական հայրենիք։ Հայաստանի ԱԳՆ-ի տեղեկություններով՝ երկիր է ժամանել մոտավորապես 20 հազար սիրիացի փախստական։ Իշխանություններն ու բարեգործական կազմակերպությունները նրանց օգնում են, օգնում աշխատանքի տեղավորվել, ցուցաբերում են բժշկական օգնություն, ապահովում են բնակարանով»,- ասվում է ռեպորտաժում։ Այնուհետ նշվում է, որ Հայաստանն ու Ռուսաստանը միշտ վարել ու վարում են ազնիվ խաղ քաղաքական ու տնտեսական ոլորտներում, գործընկեր երկրներ են, ՀԱՊԿ դաշնակիցներ՝ 450 միլիոն դոլարի հասնող առևտրաշրջանառությամբ։ «Կան սպասումներ, որ տնտեսական հարաբերությունների մակարդակը դեռ կբարձրանա՝ կապված նոր վարչապետի նշանակման հետ։ Արտաքին կապերը վարչապետը մտադիր է միայն ամրապնդել»,- ասվում է հաղորդման ժամանակ: