«Այսպես մենք տեղ չենք հասնի». Մ. Մելքումյան

ԱԺ պատգամավոր Միքայել Մելքումյանը հարց  ուղղեց Տնտեսական զարգացման և ներդրումների նախարար Սուրեն Կարայանին. «Ինչո՞ւ է 2017 թվականի պետական բյուջեի նախագծով նախատեսվում 3.2% տնտեսական աճ, այլ ոչ թե ավելի բարձր։ Սա այն դեպքում, երբ տարբեր ոլորտներում նոր կառավարությունը նախատեսում է լայնածավալ ծրագրեր իրականացնել։Չի բացառվում, որ 2017 թվականի տնտեսական աճը մեր բոլոր միջոցառումների արդյունքում ավելին լինի, քան 3.2%-ը։ Հաշվարկները ցույց են տալիս որ 2017 թվականին տնտեսական աճը հենց 3.2% կլինի»։ Նախարարի խոսքով . «Մեր  կողմից իրականացվելիք միջոցառումների արդյունքում սպասվում է ներդրումների հոսք, սակայն չի կարող  կանխատեսել, թե դա երբ կլինի Մենք վերացնելու ենք բոլոր վարչարարական խոչընդոտները, ստեղծելու ենք բոլոր ինստիտուցիոնալ համակարգերը, որպեսզի խրախուսենք բոլոր ներդրումները Հայաստանի Հանրապետությունում։ Առաջիկայում ստեղծելու ենք Ներդրումային հիմնադրամ»,-պատասխանեց նախարարը: «Նախարարի խոսքերը գուցե կարևոր միջոցառումների մասին են, սակայն չի խոսվում երաշխիքի մասին, որ հաջորդ տարի տնտեսական վիճակն ավելի է լավանալու։ Քայլեր արվում էր, բայց օգուտը քիչ էր։ Հիմա էլ մի քիչ ակտիվությունը մեծացել է, բայց ցուցանիշները, որ դնում եք չի բավարարում։ Այսպես չի կարող լինել։ Ինձ թվում է՝ էս ամեն ինչը պիտի վերանայվի, և դուք շատ կոնկրետ շղթայական բաներ ասեք։ Այսպես մենք տեղ չենք հասնի»,-նկատեց Միքայել Մելքումյանը : «Եթե դուք համաձայն չեք այն միջոցառումների հետ, որ մենք իրականացնում ենք, այդ դեպքում ասեք, թե ինչն ենք սխալ անում»,հնչեց Կարայանի պատասխանեը: