Բուլղարիայի նախագահական ընտրություններում առաջատար է ռուսամետ թեկնածուն

Բուլղարիայի սոցիալիստական կուսակցության թեկնածու, երկրի ռազմաօդային ուժերի նախկին հրամանատար Ռումեն Ռադևը հաղթում է նախագահական ընտրությունների առաջին փուլում։ Այս մասին հաղորդում է korespondent.net-ը՝ վկայակոչելով առաջին պաշտոնական տվյալները։ Կենտրոնական ընտրական հանձնաժողովը, մշակելով քվեաթերթիկների 44,47 տոկոսը, հայտարարել է, որ Ռադևը հավաքել է ձայների 25,93 տոկոսը։ Երկրի ղեկավարի պաշտոնի համար պայքարն ընթանում է եկու թեկնածուների՝ Ռադևի և իշխող կուսակցության թեկնածու, խորհրդարանի խոսնակ Ցեցկա Ցաչևի միջև, որի օգտին քվեարկել է ընտրողների 21,56 տոկոսը։ Վերջինս կողմ է, որպեսզի Բուլղարիան անդամակցի եվրոատլանտյան դաշինքին, իսկ Ռադևը իր քարոզարշավի ժամանակ բազմիցս հայտարարել է Ռուսաստանի հետ հարաբերությունները բարելավելու անհրաժեշտության մասին։