Շահեն Հարությունյանի պայքարը շարունակվում է
Այսօր Հայելի ակումբում լրագրողների հետ հանդիպման ժամանակ Շահեն Հարությունյանը տեսակետ հայտնեց, որ Հայաստանում գոյություն ունեն քաղբանտարկյալներ, որոնց թիվը վերջերս մեկ տասնյակ էր, սակայն իրադարձությունները այնպես եղան, որ նրանց թիվը հասավ յոթ տասնյակի։ Քաղբանտարկյալի առկայությունը վտանգում է երկիրը, քանի որ երկրում, որտեղ սահմանդրությամբ ամրագրված իրավունքները ոտնահարվում են, համակարգը փլուզվում է, մանավանդ, որ խոսքը վերաբերում է 25 տարին բոլորած երկրի մասին։ Վերջինիս խոսքով՝ մեր երկիրը կառավարվում է այլ երկրների ազդեցության ներքո, մարդիկ, որոնք բարձրաձայնում են այդ խնդիրների մասին, հայտնվում են քաղբանտարկյալի կարգավիճակում։ «Վաղը ժամը 17:00-ին կանցկացվի հավաք և երթ, որը իրականցվում է աշխարհի մի շարք երկրներում։ Հավաքին մասնակցում են դիմակով, ներկայացնում իրենց խնդիրները, և արդեն 4-րդ տարին նախաձեռնում ենք այս միջոցառումը, ուստի դիտողներին կոչ եմ անում մասնակցելու հավաքին և երթին։ Մեր իշխանությունը ամեն ինչ անում է, որ քաղաքացու գիտակցությունը բարձր մակարդակի վրա չլինի»,- տեղեկացրեց նա:
Հետևեք մեզ Viber-ում
