«Ուռուցքաբանութան կենտրոնը դարձավ Հյուսիս-Հարավ մայրուղին». Վահե Հովհաննիսյան

ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ  «Բարգավաճ Հայաստան» խմբակցության պատգամավոր Վահե Հովհաննիսյանը հայտարարեց.« Ուռուցքաբանության կենտրոնը դարձավ Հյուսիս-Հարավ մայրուղին, հա կառուցում ենք, իսկ մարդիկ հիվանդանում են, տանջվում են:Վիճակը տխուր է: Լուծում է պետք, չենք կարող անվերջ սպասել»: Ազգային ուռուցքաբանության գերազանցության կենտրոն կարելի է բացել, բայց եթե աճում է ուռուցքների առաջնային դիագնոստիկայի քանակը, ապա դրա դեմ պետք է պայքարել այլ մեթոդներով: Ըստ նրա` աշխարհում 20 տարի է՝ զարգանում է ոչ ինֆեկցիոն հիվանդությունների կանխման խնդիրը, որը պանացեա է Հայաստանի համար,հայտարարեց Առողջապահության նախարար Լևոն Ալթունյանը : «Ի՞նչ է առողջ ապրելակերպը` բոլորի մոտ առաջացնում է հևոց, բայց դա իրողություն է: Առողջ ապրելակերպը ծխախոտից հրաժարվելն է, խմիչքի օգտագործման նվազեցնելն է, առողջ սնունդն է, առողջ ֆիզիկական ակտիվությունն է: Ընդամենը»,- ասաց նախարարը` օրինակ բերելով Ֆինլանդիան, որտեղ 25 տարում 3.2 անգամ իջել է սիրտ-անոթային հիվանդություններից մահացությունը` միայն աղի կիրառումը նվազեցնելու արդյունքում: Նա նշեց, որ Հայաստանում առաջարկ կա՝ կտրուկ բարձրացնել ծխախոտի գները և վաճառքից հատկացումներ կատարել առողջապահության բյուջե:«Երբ ֆիննը հիվանդանում է, չեն ասում` քիչ ծխեիր, բուժում են: Հայաստանում էլ մարդիկ հիվանդանում են, պետք է բուժել: Համակարգը խայտառակ վիճակում է: Աստված չանի, մարդ հիվանդանա, ոչ բոլորն են կարողանում գնալ Գերմանիա: Սա այլանդակ համակարգ է: Մարդիկ հիվանդանում են, չեն իմանում՝ ինչ անել:Պետությունը նրա համար է, որ լուծի խնդիրնեը, ոչ թե հիվանդանոցներում դեղերն էլ դրսից բերել տան, քանի որ «մերը լավը չի»:Արտերկրում բուժում ստանալու համար մարդիկ ստիպված վաճառում են իրենց տները»,- հակադարձեց Վ. Հովհաննիսյանը: Լևոն Ալթույանի խոսքով` Հայաստանում քաղցկեղով հիվանդներն անվճար բուժօգնություն են ստանում, իսկ համապատասխան ֆինանսավորման դեպքում իրենք էլ կարող են ապահովել համապատասխան մակարդակի բուժօգնություն: Ալթունյանը նաև հայտնեց, որ գերազանցության կենտրոնը կբացվի մինչև հաջորդ տարվա վերջ: