Փոխնախարարը չգիտի ՝որքան է ստվերը

ՀՀ Ազգային ժողովի առողջապահության, մայրության և մանկության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում 2017 թ. բյուջեի նախագծի քննարկումների ժամանակ  ՀՀ ֆինանսների փոխնախարար Ատոմ Ջանջուղազյանը հայտնեց,որ հաջորդ տարի առողջապահության բնագավառի ծախսերը կկազմեն 85 մլրդ 772.9 մլն դրամ: Նա հավելեց,որ  ոլորտի ծախսերը նվազել են այս տարվա պետական բյուջեի համապատասխան ցուցանիշի նկատմամբ 2 մլրդ 668.9 մլն դրամով կամ 3 %-ով: Որքա՞ն է ոլորտի ստվերը,հարցրեց պատգամավոր Վահե Հովհաննիսյանը ,ինչին ի պատասխան   Ա.Ջանջուղազյանը ասաց , որ դրանից տեղյակ չէ, քանի որ եթե իմանար, թե ինչքան է ստվերը, դա կնշանակեր իմանալ որտեղ է այն, իսկ իմանալու դեպքում այն ուղղակի կվերացվեր: