Սեյրան Օհանյանը հանդիպել է Արմեն Գևորգյանի հետ
«Ժողովուրդ»-ում կարդում ենք.
«Տևական ժամանակ է, պաշտոնաթող նախարար Սեյրան Օհանյանի՝ մոտ ապագայում ընդդիմադիր հայացքների հարելու շուրջ իրարամերժ տեղեկությունների տարափ է։ Ըստ որոշ լուրերի՝ պաշտպանության նախկին նախարարը նախագահելու է ՀՀ ազգային ժողովում ՀՀ նախագահի նախկին ներկայացուցիչ Վիկտոր Դալլաքյանի ստեղծվելիք «Երրորդ Հանրապետություն» կուսակցությունը։ Մամուլում շրջանառվող լուրերի համաձայն՝ Սեյրան Օհանյանը օրերս հանդիպել է ՀՀ նախագահի աշխատակազմի ղեկավար Արմեն Գևորգյանի հետ, ով նրան ընկերաբար «հիշեցրել» է, որ «չափը չանցնի»։
Գնալով լուրերի հետքերով՝ «Ժողովուրդ»-ը պարզել է, որ գրեթե նույնաբովանդակ զրույց է կայացել նաև Սեյրան Օհանյանի և գործարար, «Ֆլեշ» ընկերության սեփականատեր Բարսեղ Բեգլարյանի (Ֆլեշի Բարսեղի) միջև։ Վերջինս գովեստի խոսքեր է հղել նախկին նախարարի հասցեին և հորդորել է քաղաքականության մեջ չներքաշվել։ «Հրամանատար մարդ ես, էդպիսի բաների մեջ մի ներքաշվի», - մասնավորապես, ասել է Բեգլարյանը։ Սրան ի պատասխան՝ Սեյրան Օհանյանը շտապել է տեղեկացնել՝ ինքը դեռ կորոշի իր հետագա անելիքները»։
«Ժողովուրդ»-ի հետ զրույցում սակայն, Արմեն Գևորգյանը կտրականապես հերքել է լուրերը, որ հանդիպել է Օհանյանին, այդ թվում՝ համոզելու փորձերը Սեյրան Օհանյանին ետ կանգնել։ Այլ հարցերի Գևորգյանը չի պատասխանել:
Հետևեք մեզ Viber-ում
