«Հրապարակ». ՕԵԿ-ական Բոթոյանն այլեւս ՀՀԿ-ական է. նա իրեն «ճամբարափոխ» չի համարում
«Հրապարակ» թերթը գրում է. «ԱԺ պատգամավոր Կարեն Բոթոյանը` գործարար Սերգեյ Մանուկյանի (Շինանյութի Սերոժ) փեսան, երեկ ՀՀԿ-ին է անդամագրվել։ Նա մինչեւ 2014-ի մայիսն ՕԵԿ-ում էր, երբ ՕԵԿ-ը որոշեց քառյակի հետ չմասնակցել կառավարության ծրագրի քվեարկությանը, հեռացավ: Ծրագրի քվեարկության ժամանակ ՀՀԿ-ն քվորում ապահովեց նաեւ Կարեն Բոթոյանի շնորհիվ։ ՕԵԿ-ականները հայտարարեցին, որ գործարարին ճնշել են Հովիկ Աբրահամյանն ու Գագիկ Խաչատրյանը, ճնշումներ կան նաեւ նրա աներոջ նկատմամբ։ Բոթոյանն իրեն ճամբարափոխ եղած չի համարում. «Ի սկզբանե ՕԵԿ-ն ու ՀՀԿ-ն գնում էին մեկ ճանապարհով, հենց 2014-ին ՕԵԿ-ը որոշեց դառնալ ընդդիմություն ու գնալ այլ ճանապարհով, այսինքն՝ ես երբ դարձել եմ պատգամավոր, որ ճանապարհով գնացել եմ, նրանով էլ շարունակում եմ գնալ... Սերժ Սարգսյանի ուղղորդած ճանապարհով, ես իմ ճանապարհը չեմ փոխել»։ Առավել մանրամասն՝ թերթի այսօրվա համարում
Հետևեք մեզ Viber-ում
