«ՀԺ». ՏՏ ոլորտի թողարկման ծավալները նվազել են

ՀՀ ազգային վիճակագրական ծառայության հրապարակած տվյալներով՝ այս տարվա առաջին 9 ամիսներին տեղեկատվական եւ հեռահաղորդակցության տեխնոլոգիաների ոլորտի թողարկման ծավալները կազմել են 170,1 միլիարդ դրամ: Սա 0.1 տոկոսով զիջում է անցած տարվա նույն ցուցանիշը: Ամենամեծ նվազումը արձանագրվել է ՏՏ արտադրության եւ առեւտրի հատվածում՝ 3.2 եւ 3.9 տոկոսով: Հեռահաղորդակցության ոլորտում ծառայությունների ծավալը նվազել է 8.3 տոկոսով: Աճ է արձանագրվել միայն ՏՏ ոլորտում մատուցված ծառայությունների ծավալների դեպքում: Նշված ոլորտներում արտադրության մասնաբաժինը կազմում է 0.9 տոկոս, իսկ առեւտուրը` 11.4 տոկոս: