Զոհաբերել եմ հանուն... Արամյան

Հավանական է վարչապետի հայտարարությունը, որ 2017 թվականին նախատեսվում է 3,2 տոկոս տնտեսական աճ գրանցել։ Պետք չէ վատ վերաբերվել այն հանգամանքին, որ կենսաթոշակների ու աշխատավարձերի բարձրացում 2017 թվականի բյուջեով նախատեսված չէ,Աժ-ում լրագրողների հետ զրույցում հայտարարեց ՀՀ ֆինանսների նախարար Վարդան Արամյանը : «Հեգելն ասել է՝ պետք է ինչ-որ բան զոհաբերես, որ մեկ ուրիշ բան ձեռք բերես։ Ես զոհաբերել եմ թոշակների և աշխատավարձերի ապագա բարձրացումը, որը կարճաժամկետ կարող էի անել, բայց հետագայում արդար չէի լինի, որովհետև մյուս տարիներին տնտեսական աճը կվտանգեի, իսկ հենց տնտեսական աճն էլ թույլ է տալիս բարձրացնել աշխատավարձերն ու կենսաթոշակները», - ասաց նա։