Արտակարգ դեպք. հյուրն ու տանտիրուհին մահացել են միաժամանակ

«Փաստինֆո»-ի տեղեկություններով նախօրեին արտակարգ դեպք է գրանցվել Էրեբունիում. վայրկյանների տարբերությամբ մահացել է հյուրն ու տանտիրուհին։ Տղամարդը մասնագիտությամբ էլեկտրիկ էր, ով այցելել էր ընկերոջը՝ նրան կենցաղային հարցերում օգնելու։ Տանը նրա ինքնազգացողությունը կտրուկ վատացել է եւ ընկել։ Տանտերն անմիջապես կանչել է կնոջը՝ ջուր բերելու եւ շտապօգնություն զանգելու համար, սակայն վերջինս, մտնելով սենյակ եւ տեսնելով վայր ընկած հյուրին, եւս վատացել է ու ընկել։ Կանչով ժամանած շտապօգնությունն արձանագրել է, որ երկուսն էլ մահացել են։ Ըստ նախնական վարկածի՝ էլեկտրիկ-ընկերը մահացել է սրտի կաթվածից։ Երկու անձի մահվան վերաբերյալ մեր հարցմանն ի պատասխան՝ հաստատեցին նաեւ ՀՀ քննչական կոմիտեից՝ նշելով, որ Էրեբունի քննչական բաժնում ստացվել են նյութեր՝ երկու անձի մահվան վերաբերյալ, նշանակվել են դատաբժշկական փորձաքննություններ՝ մահվան պատճառները պարզելու համար։