«Ինտենսիվ փնտրել և գտնել ուժեր». Նիկոլ Փաշինյան
«Այն պարտությունները, որոնք մեզ չեն սպանում, մեզ ուժեղացնում են։ Այսօր, այո, ուժեղ ենք և վաղն ավելի ուժեղ ենք լինելու»,-այս մասին այսօր Քաղաքացիական պայմանագիր կուսակցության արտահերթ համաժողովին հայտարարեց Կուսակցության վարչության անդամ Նիկոլ Փաշինյանը: Նա նոր վարչության անելիքներից խոսեց և նշեց, թե առաջին հերթին պետք է շարունակել աշխատել ինստիտուցիոնալ կառույց դառնալու ուղղությամբ: «Նոր վարչությունը պետք է աշխատի կադրային, ծրագրային, ֆինանսական ուժեղացնելու ուղղությամբ»,- ասաց նա: Լրագրողների այն ճշտող հարցին, արդյոք առաջիկա ընտրություններին ՔՊ-ն դաշինքո՞վ է հանդես գալու, Նիկոլ Փաշինյանը պատասխանեց. «Բացառված չի: Ես կարծում եմ, որ այդ հարցի պատասխանը պետք է տա նոր վարչությունը, բայց էլի եմ ասում, մեկ կուսակցություն դառնալու պրոցեսի ժամկետները կարող են փոխվել: Այսինքն՝ եթե մենք ասում էինք, որ 3 ամսում պետք է այդ հարցը լուծել, հնարավոր է, որ մենք որոշենք, որ այդ հարցը կարելի է լուծել 1.5 տարում, կամ 3 տարում»: Նիկոլ Փաշինյանի խոսքով՝ երկրորդ գործն է իրենց՝ ավելի ինտենսիվ փնտրել և գտնել ուժեր, անհատներ, կառույցներ՝ մեկ ընդհանուր կուսակցություն դառնալու համար: «Մենք այստեղ չունենք որևէ նախապայման՝ ո՛չ անձնային, ո՛չ իրավաբանական, ո՛չ անվան, պատրաստ ենք հնարավորինս գաղափարական քննարկել մեկ կուսակցություն դառնալու հնարավորությունը»,- ասաց նա:
Հետևեք մեզ Viber-ում
