Ծառուկյանի նախադեպը շատ վատն էր. Լևոն Զուրաբյան
ԱԺ ճեպազրույցների ժամանակ ՀԱԿ խմբակցության ղեկավար Լեւոն Զուրաբյանը, անդրադառնալով ՀԱԿ հայտարարությանը՝ առաջիկա ԱԺ ընտրություններին այլ ուժերի հետ հնարավոր համագործակցությանը, նշեց. «Մենք որեւէ սպասելիք չունեինք, որ քաղաքական ուժերը պետք է հրապարակային արձագանքեին մեր հայտարարությանը. այդ հարցերը այլ կերպ են լուծվում: Հիմա չեմ ուզում այդ արձագանքների մասին խոսել՝ լուրջ քաղաքական ուժերից չէին կարող ու չեն էլ եղել հրապարակային արձագանքներ: Ընդդիմադիր բեւեռի ձեւավորումը, որը ազդեցություն կունենա հասարակության վրա, հայտարարություններով չի լուծվում, այլ բանակցություններով, որոնք ինչ-որ պահից կլինեն»:
Լևոն Զուրաբյանը հորդորում է Գագիկ Ծառուկյանին հանգիստ լինել, քանի որ ՀԱԿ-ն ուժեղ է և վստահ իր ուժերի վրա`անդրադառնալով այն հարցին, թե ի՞նչ բաց է պակասում քաղաքական դաշտում, որը Գագիկ Ծառուկյանը գալիս է լրացնելու,ասաց Զուրաբյանը:
«Եթե մտահոգությունը դա է, ես կարող եմ ասել՝ մենք այդ գործով կզբաղվենք։ Մենք մեր ուժերի վրա վստահ ենք:Դեռ շուտ է կանխատեսումներ և վերլուծություններ անել Գագիկ Ծառուկյանի վերադարձի մասին », - ընդգծեց նա։
Հարցին՝ հավանական է համարում ՀԱԿ-ի և Գագիկ Ծառուկյանի համագործակցությունը, Լ․ Զուրաբյանն ընդգծեց, որ ինքն օրերս խորհրդարանում հայտարարել է, որ ՀԱԿ-ը բաց է համագործակցության բոլոր այն ուժերի հետ, որոնք իրենց առաջ դրել են իշխանափոխության և ժողովրդավարություն հաստատելու իրական նպատակ։
Հարցին, թե ինչպե՞ս է գնահատում նախկինում Գագիկ Ծառուկյանի հետ ունեցած համագործակցությունը՝ Լևոն Զուրաբյանը նշեց՝ վատ էր։
Հետևեք մեզ Viber-ում
