«Ես նրա կարիքը չունեմ». Զ. Փոստանջյանը՝ Գ. Ծառուկյանի մասին
«Ժառանգություն» խմբակցության անդամ Զարուհի Փոստանջյանը ԱԺ ճեպազրույցների ժամին հայտարարեց. «Գագիկ Ծառուկյանը միշտ շարունակել է մնալ քաղաքականության մեջ, պարզապես նրան ժամանակավորապես արգելվել է ղեկավարել «Բարգավաճ Հայաստան» կուսակցությունը:
Գագիկ Ծառուկյանը թիվ մեկ քաղաքական կառույցին է անդամակցում՝ ԱԺ-ին։ Այսինքն, որպես պատգամավոր շարունակում է մնալ խորհրդարանում, հետևաբար նա չի հեռացել քաղաքականությունից։ Նրան արգելել էին ղեկավարել կուսակցությունը, բայց հիմա այդ արգելքը հանվել է»:
«Ես Գագիկ Ծառուկյանի համակիրը չեմ և չեմ կարծում, որ նրա վերադարձի կարիքը կա։Գագիկ Ծառուկյանը առաքելություն ունի։ Այն հետևյալն է՝ մեղմել ավտորիտար ռեժիմը և բոլոր հնարավոր միջոցներով պահպանել այս արատավոր համակարգը։ Նա փորձ է կատարելու վերահսկել ընդդիմադիր դաշտը, որովհետև խոսվում է ընդդիմադիրների միավորման մասին, բայց Գագիկ Ծառուկյանը չի կարող վերահսկել ինձ, ոչ էլ մեր կուսակցությանը», - ընդգծեց նա։
Հետևեք մեզ Viber-ում
