Նախարարը՝ «Հյուսիս-Հարավ» -ի ճակատագրի մասին
Այսօր Ազգայի Ժողովում լրագրողների հետ հանդիպման ժամանակ ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը՝ պատասխանելով հարցին, թե արդյոք հնարավո՞ր է, որ նման պայմանագրի իրագործումը դադարեցվի, նշեց. «Հյուսիս-Հարավ» ավտոմայրուղու կառուցման ծրագիրը դադարեցնելու մասին խոսք չի եղել: Մենք կարող ենք որոշել, թե որ ուղղությամբ առաջ գնանք, այժմ քննարկման մեջ ենք և որևէ որոշում չկա»,- ասաց նախարարը: Հարցին, թե այն բանից, որ Արարատի մարզում շահագործման հանձնված «Հյուսիս-Հարավ» ճանապարհահատվածը կրկին փակվել է և կամուրջներ են կառուցվում, կարելի՞ է ենթադրել, որ ճանապարհահատվածը շահագործման է հանձնվել թերի վիճակում, նախարարը պատասխանեց, որ կան կամուրջներ, որոնք նորոգվում են: Դիտարկմանը, թե այնտեղ նաև անցումներ են կառուցվում, ինչը «Հյուսիս-Հարավ» ՊՈԱԿ-ի տնօրենը բացատրում է այն բանով, որ նախնականները չեն համապատասխանել չափանիշներին և սահմանված բարձրության պայմաններում բեռնատարները չէին կարողանա անցնել, Վահան Մարտիրոսյանը պատասխանեց. «Այդ հարցին այդեն ՊՈԱԿ-ի տնօրենը պատասխանել է»:
Հետևեք մեզ Viber-ում
