Մարդիկ մտել են ԱԺ, ձերբակալվել են,չբացահայտվելու ի՞նչ կար.Սուրիկ Խաչատրյան
Սյունիքի նախկին մարզպետ Սուրիկ Խաչատրյանը լրագրողների հետ զրույցում ներկայացրեց իր հրաժարականի մասին տվյալներ .«Ես առողջական խնդիրներ ունեի, դրա համար հրաժարական տվեցի,- ասաց նա, հավելելով.- ընտրությունները ինքս եմ կազմակերպելու, ոչ մի խնդիր չկա: Ինքս հանրապետական եմ, որեւէ մեկից նեղացածություն չունեմ: Ժամանակը կգա, ես ընտրություն կկազմակերպեմ»: Հարցին, թե արդյոք խորհրդարանական ընտրություններին ակտիվ մասնակցություն է ունենալու, Սուրիկ Խաչատրյանը պատասխանեց՝ այո: Սուրիկ Խաչատրյանը խոսեց նաև Հոկտեմբերի 27-ի ողբերգական դեպքերի մասին.«Բոլորիս ամար պարզ է, չէ՞, որ գործը բացահայտված է, որ մարդիկ դատված են: Մարդիկ մտել են ԱԺ, դեպքը կատարվել է, մի քանի ժամ հետո էլ ձերբակալվել են. չբացահայտվելու ի՞նչ կար, ես չեմ հասկանում: Չեմ կարող ո՛չ ռուսական, ո՛չ էլ արևմտյան հետք ասել, միայն մի բան գիտեմ, որ հանցագործները, ոճրագործները նույն դահլիճից էլ ձերբակալվել են»:
Հետևեք մեզ Viber-ում
