Եթե չհավաքվի բուժման 6 միլիոն դրամը, 26-ամյա աղջիկը կհայտնվի կյանքի և մահվան արանքում

Երևանաբնակ 26-ամյա Գոհար Եսայանը հիմա առավել քան երբևէ ունի մեր աջակցության կարիքը: Աղջիկը բոլոր երիտասրդների նման ապրում և աշխատում էր անհոգ, երջանիկ, մինչև որ այս տարվա սեպտեմբերին առողջական խնդիրներ ունեցավ, դիմեց բժշկի և պարզվեց, որ նրա մոտ առկա է լիմֆոմա՝ բավականին զարգացած: Անմիջապես նշանակվեց քիմիաթերապիայի ութ կուրս, ամեն մի կուրսն արժե 1 000 000 դրամ /ընդամենը՝ 8 000 000 դրամ, որից 2 000 000 հայթայթվել է/, երկուսն արդեն ստացել է, 3-րդը նշանկվել է հոկտեմբերի 31-ին, սակայն Գոհարի մոտ բարդություններ են առաջացել, օրգանիզմի դիմադրողականությունն ամբողջովին ընկել է, նրա մոտ ի հայտ է եկել հերպես, և բժիշկները չեն կարողանում բուժման կուրսը շարունակել: Աղջիկը բուժումն ստանում է Նաիրի բժշկական կենտրոնում: Բազմանդամ ընտանիքն ապրում է սոցիալապես ծանր պայմաններում, երկու կուրսի գումարը հարազատներով կարողացել են վճարել, հիմա ըհտանիքը հիվանդության հետ մեկտեղ կանգնած է անելանելի վիճակում՝ նժարին է նրանց դստեր կյանքը: Սիրելի հայրենակիցներ, եկե՛ք համախմբված օգնենք Գոհարին՝ հաղթահարելու հիվանդությունը: