Ընտրություններից հետ դեպրեսիոն փուլ կգա.Անուշ Սեդրակյան
«Կառավարության ծրագիրը բացահայտումային է: Դրանով պարզվեց, որ Հայաստանում կան բաներ, որոնք մեզ երկար ժամանակ ապացուցում էին, թե չկան»: Հոկտեմբերի 25-ին լրագրողների հետ հանդիպմանը նման տեսակետ է հայտնել «Ազատ դեմոկրատներ» կուսակցության փոխնախագահ Անուշ Սեդրակյանը: -Ասում էինք, որ կա մենաշնորհ, ասում էին՝ չկա, ասում էինք ԵԱՏՄ-ից վնասներ կան, ասում էին՝ ոչ,-ասել է նա: Բանախոսն անդրադարձել է նաև Կարեն Կարապետյանի կողմից առաջարկվող ներդրումային կառույցի ստեղծմանը: -Ուզում եմ հիշենք, թե Հայաստանում ինչքա՞ն ներդրում է կատարվել, ինչքա՞ն օգնություն է փոխանցվել, ո՞ւր են ուղղվել դրանք և ինչպե՞ս են փոշիացվել: Այսինքն՝ ներդրման օգուտը ո՞րն է,-ասել է նա: Անուշ Սեդրակյանը հարց է ուղղում, թե ինչպե՞ս է ներկա կառավարությունը փորձում պայքարել մենաշնորհի դեմ, եթե նախկինում ասվում էր՝ մենաշնորհ չկա: Բանախոսը նկատել է, որ նախընտրական շրջան է, կոսմետիկ շտկումներ են արվում և կլինի կարճաժամկետ ցավազրկողների որոշակի համակարգ, որը կապահովի հասարակական դժգոհության նվազումը: Նրա խոսքով՝ ընտրություններից հետ դեպրեսոին փուլ կգա:
Հետևեք մեզ Viber-ում
