Ձկնկուլի սպանության հետքն ուղիղ բերում է ՀՀ ԱԺ
Մոսկվայում Արմեն Իսրայելյանի սպանության վերլուծությունը բերում է ուղիղ Հայաստանի Ազգային ժողով, խորհրդարանում հայտարարեց ՀԱԿ խմբակցության պատգամավոր Նիկոլ Փաշինյանը: «Երեկ հայտնի դարձավ, որ Մոսկվայում սպանվել է «Ձկնկուլ» մականունով հայտնի Արմեն Իսրայելյանը, ով ԱԺ պատգամավոր Սամվել Ալեքսանյանի խմբի նախկին անդամ էր և Ալեքսանյանի կողմից առևանգումներ, ահաբեկումներ և այլ ծանր հանցագործություններ կատարելու մասին հայտարարությունների հեղինակ», - ասաց Ն.Փաշինյանը: « Այս մասին քրեական գործը մեկ շաբաթ առաջ կարճվել էր, եւ որը ապացուցում է մեր իրավապահ մարմինների ծախու լինելու անհերքելի ապացույցի մասին: Վարձու մարդասպանի կողմից այս սպանության հետքերը ուղիղ բերում են ՀՀ ԱԺ»: «Կխնդրեի ԱԺ Կանոնակարգի մասին հարցերի մասին խոսել: Հաջորդ անգամ կանջատեմ բարձրախոսը»,- արձագանքեց ԱԺ նախագահ Գալուստ Սահակյանը:
Հետևեք մեզ Viber-ում
