Որն է վարչապետի կենացն ու խոստումը

Վարչապետ Կարեն Կարապետյանը անհրաժեշտ է համարում, որպեսզի լրագրողների քննադատությունը առարկայական օգուտ տա: «Ես չափազանց շահագրգռված եմ, որպես ՀՀ քաղաքացի, որ մեր լրագրողների դաշտն էլ մասնագիտացվի: Լինեն մասնագիտացված տնտեսական լրագրողներ, որոնց քննադատությունը կարող է առարկայական օգուտ տալ», - ասաց Կ.Կարապետյանը հայկական հեռուստաընկերություններին տված հարցազրույցում: Նա նաև նշեց, որ համամիտ չէ այն մտքի հետ, որ կառավարության նոր ծրագիրը կենացներ և խոստումներ է: «Ես, ճիշտն ասած, այնտեղ կենաց ու խոստում չեմ տեսնում, բացի նրանից, որ մենք ասում ենք, որ աշխատելու ենք այս ուղղություններով: Փորձել ենք մաքսիմալ կոնկրետացնել, որտեղ հնարավոր է ժամկետներով, և իմ պատկերացմամբ՝ բավականին մեծ ծանրաձող ենք դրել,  որը ռեգուլյար ամենօրյա աշխատանք է  պահանջում», - ընդգծեց Կ.Կարապետյանը: