Ուկրաինական ռադայում քննադատել են հայերին

Արևմտյան Ուկրաինայում Հայ կաթողիկե եկեղեցու կազմալուծման 70-ամյակը հոկտեմբերի 25-ին հիշատակելու մասին որոշում ընդունելու հարցով քննարկում է տեղի ունեցել Ուկրաինայի խորհրդարանում: Առաջարկը ներկայացրել է պատգամավոր Նիկոլայ Կնյաժիցկին, տեղեկացնում է politnavigator.net կայքը:Ռադիկալ կուսակցության պատգամավոր Օլեգ Լյաշկոն հարցի քննարկման ժամանակ հայտարարել է. «Մեր հայ եղբայրների հանդեպ ողջ հարգանքով հանդերձ, Հայաստանն այն երկիրն է, որը ճանաչել է Ղրիմի բռնակցումը, ճանաչել է Ղրիմի ռուսական օկուպացիան և չի աջակցել Ուկրաինայի տարածքային ամբողջականությանը և ինքնիշխանությանը: Խնդրում եմ գործընկերներիս հիշել այս մասին: Օգտվելով առիթից՝ դիմում եմ հայերին ու Հայաստանի իշխանություններին Ղրիմի ռուսական բռնակցումը դատապարտելու, Ուկրաինայի տարածքային ամբողջականությունը ճանաչելու և ռուսական ագրեսիայի դեմ մեր պայքարին աջակցելու պահանջով»:Իրավիճակը փորձել է հարթել փոխխոսնակ Իրինա Գերաշենկոն՝ կոչ անելով «պետական և եկեղեցական գործերը տարանջատել»: Կնյաժիցկին իր հերթին ասել է, որ 1946 թվականին ԽՍՀՄ ներքին գործերի ժողկոմի կողմից սպանված հայերը  կապ չունեն ժամանակակից հայկական պետության հետ:Լյաշկոն նշել է, որ Հայաստանն Ուկրաինայի պես տուժած է ռուսական ագրեսիայից և կոչ է արել համատեղել, այլ ոչ թե ջլատել ջանքերը: