«Հայաստանում գործում է Սաշիկի ցուցանիշը». Նիկոլ Փաշինյան
ԱԺ պատգամավոր Նիկոլ Փաշինյանը Կառավարության ծրագրին նվիրված իր ելույթը սկսեց «Սաշիկ Սարգսյանի գործակցի» մասին խոսելով. «Տիկնայք եւ պարոնայք, մի քանի օր առաջ Գեղարքունիքի մարզի Վարդենիս, քաղաքում էի, եւ բավականին տխուր, հուսահատ ֆոնի վրա անընդհատ աչքի էին ընկնում երթեւեկող Iveco մակնիշի գերժամանակակից բեռնատարները որոնք բեռնվա] էին հանքանյութերով: Ամեն երկրորդ վարդենիսցին ասում էր՝ տեսնում ես, Սաշիկը տանում է ոսկու հանքերը: Սաշիկն, ի դեպ, Սերժ Սարգսյանի եղբայր Ալեքսանդր կամ Սաշիկ Սարգսյանն է»,-մանրամասնեց պատգամավորը: Ըստ Փաշինյանի՝ Հայաստանում չի գործում ՆԱԶԴԱՔՍ-ի ցուցանիշը. մեզ մոտ Սաշիկի ցուցանինշն է առարկայական: Փաշինյանի խոսքով՝ ժողովրդի շրջանում մեկ ուրիշ սպասում կա նորանշանակ վարչապետի հետ կապված, որը չգիտի պոզտիվ անվանի, թե նեգատիվ. «Որ Կարեն Կարապետյանին Մոսկվայից գործուղել են, որ գա Սերժ Սարգսյանին իշխանությունից հեռացնի: Ընդհանրապես էս խնդիրը 2017-18 թվականներից առաջ կա, հիմա Կարեն Կարապետյանի առաջ հարց է՝ ինքը ապահովո՞ւմ է խորհրդարանական մեծամասնության հաղթանակը ընտրություններում, որպեսզի 2017 թվականին իր տեղը զիջի Սերժ Սարգսյանին, թե՞ ինքն այդ ժամանակը պիտի օգտագործի էս մեծամասնության առանցքային դեմքերին՝ օլիգարխիային, իր շուրջը համախմբելու եւ անձամբ իշխանություն ստանձնելու համար»,-ասաց նա:
Հետևեք մեզ Viber-ում
