«Wikileaks»-ը հրապարակել է Քլինթոնի նամակագրությունը Հայոց ցեղասպանության մասին
«Wikileaks»-ը հրապարակել է Հիլարի Քլինթոնի աշխատակազմի նամակագրությունը Հայոց ցեղասպանության մասին,որում ասվում է. «Ուրբաթ Հայոց ցեղասպանության 100-րդ տարելիցի ոգեկոչման օրն է: Ենթադրում եմ, որ հայկական խմբերը սպասում են որևէ հայտարարության՝ «ցեղասպանություն» բառի արտասանությանը, եթե ընտրվի որպես նախագահ: Որպես սենատոր և թեկնածու նա միանշանակ դիրքորոշում է ունեցել ցեղասպանության ճանաչման հարցում: Որպես պետքարտուղար նա չի օգտագործել եզրույթը, սակայն կենտրոնացել է Թուրքիայի և Հայաստանի միջև հետագա հաշտեցման վրա: Սպիտակ տունը խուսափել է «ցեղասպանություն» բառն օգտագործելուց մինչ օրս: Ներկա պահին ներքին քննարկում է տեղի ունենում այդ դիրքորոշումը փոխելու շուրջ` 100-րդ տարելիցի առթիվ: Սակայն, հնարավոր է, որ նրանք չփոխեն: Երկու հարց. Համաձա՞յն եք, որ նա պետք է որդեգրի այն դիրքորոշումը, որն ուներ որպես սենատոր և թեկնածու, չանայած՝ նա դա չի արել որպես պետքարտուղար: Համաձա՞յն եք բոլորդ, որ մենք պետք է պարզապես սպասենք, մինչև մեզ հարց չի ուղղվել և որևէ նախաձեռնող քայլ չանենք: Ներեցեք ձեզ այս հարցով անհանգստացնելու համար, սակայն, ինչպես գիտեք, այս հարցը կարևոր է ամերիկահայերի համար»:
Հետևեք մեզ Viber-ում
