Ցանկություն կա, առաջարկություն՝ ոչ

«Նաիրիտ» գործարանի վերագործարկման վերաբերյալ որևէ հստակ առաջարկություն չի եղել, ԱԺ-ում կառավարության ծրագիրը ներկայացնելուց հետո` պատասխանելով պատգամավորների հարցերին, ասաց վարչապետ Կարեն Կարապետյանը: «Դուք տեսե՞լ եք առաջարկությունը: «Նաիրիտի» վերաբերյալ որևէ կոնկրետ, գործնական առաջարկ գոյություն չունի: Կան ցանկություններ, իսկ առաջարկություն, որի շուրջ մենք նստենք, բանակցենք գոյություն չունի: Այդ պարագայում` ի՞նչ գրենք ծրագրում», - ասաց Կարեն Կարապետյանը: Նա նշեց նաև, որ հնարավոր բոլոր արդյունաբերական հիմնարկները ներառվել են կառավարության նոր ծրագրում: