Ի՞նչ է՝ ինքն իմ բիզնես ոլորտի վրա՞ է նստած, ես ի՞ր բիզնեսի. Վարդան Այվազյանն՝ իր ու վարչապետի միջև եղած հակասությունների մասին
«Իմ ցանկությունն է, որ մեր երկրի կառավարությունը հաջողված լինի, որովհետև կառավարության գործունեությունն ամեն դեպքում ազդում է բոլորի վրա», - «168 Ժամ»-ի թղթակցի հետ զրույցում ասել է ԱԺ ՀՀԿ-ական պատգամավոր, ԱԺ տնտեսական հարցերի մշտական հանձնաժողովի նախագահ Վարդան Այվազյանը՝ հերքելով մամուլում հայտնված տեղեկությունները, թե ՀՀԿ խորհրդի նիստի ժամանակ բախում է եղել Կարեն Կարապետյանի և Վարդան Այվազյանի միջև, մասնավորապես՝ գազի գնի հետ կապված։
Թերթի ճշտող հարցին, թե ուրեմն ոչ մի հակամարտություն չկա՞, Վ. Այվազյանը պատասխանեց. «Իմ ու պարոն Կարապետյանի միջև՞։ Բայց ինչի՞ պետք է լինի, ի՞նչ է՝ ինքն իմ բիզնես ոլորտի վրա՞ է նստած, ես ի՞ր բիզնեսի։ Բացարձակ։ Ես ասում եմ՝ ինչ-որ մեկը հարցը մի քիչ սխալ է հասկացել, կիսատ-պռատ ասել է, մյուսն էլ կիսատ-պռատ ըմբռնել ու գրել է։ Սենսացիա են ման գալիս։ Եթե մեր մեջ հակամարտության խնդիր լիներ ո՞նց կարող է պատահի՝ նորից իրար հետ մի ժամ քննարկենք»։
Հետևեք մեզ Viber-ում
