ՀՀԿ-ն պայքարում է ըմբոստ ՀՀԿ-ականի դեմ

Արդեն տեղեկացրել ենք,որ օրեր առաջ վարչապետ Կարեն Կարապետյանը խոսել էր կրթական համակարգում ծանոթ-բարեկամներով նշանակումների մասին՝ շեշտելով փոփոխության անհրաժեշտությունը և հանձնարարական տալով Կրթության և գիտության նախարարին: « Վարչապետը մտահոգություն ունի, բայց ուղերձը սխալ ուղղությամբ գնաց, քանի որ ցանկացած տնօրեն կարող է ասել՝ ինչու ձեզ կարելի է բարեկամների պաշտոնի նշանակել, ինձ՝ ոչ»,- Հայելի ակումբում հրավիրված ասուլիսում հայտարարեց Կրթության ազգային ինստիտուտի փոխտնօրեն Անահիտ Բախշյանը,ում   վստահեցմամբ՝ այսօր շատ են դպրոցում հայտնված պատահական տնօրենները: Տիկին Բախշյանը որպես օրինակ բերում է Գեղարքունիքի մարզի Ծովագյուղ համայնքի դպրոցում տիրող իրավիճակը: «Այնտեղ կա Հասարակագիտության մի շատ պատրաստված ուսուցչուհի՝ Սիրամարգ Ղազարյան, ով չի կարողանում դառնալ դպրոցի տնօրեն, քանի որ մարզպետը չի ուզում»: «Պատճառը դպրոցում կատարված չարաշահումների մասին բարձրաձայնելն է, ինչն էլ չի ներվել ուսուցչուհուն:  Ինչո՞ւ ես տեսել չարաշահումը, ինչու ես բարձրաձայնել: Այսպես է վերաբերմունքն այդ կնոջ նկատմամբ»: Ի դեպ, Սիրամարգ Ղազարյանը չի նշանակվում այդ պաշտոնին, չնայած ՀՀԿ-ական լինելուն: Իշխող ուժի ներկայացուցիչ է նաև գյուղապետը, որը ևս խոչընդոտում է նրա նշանակմանը,ասաց տիկին Բախշյանը: