«Ի՞նչ եք ուզում այդ մարդուց». Վահրամ Բաղդասարյան
Այսօր խորհրդարանում լրագրողների հետ զրույցի ընթացքում ԱԺ ՀՀԿ խմբակցության ղեկավար Վահրամ Բաղդասարյանն անդրադարձավ երեկ ՀՀԿ խորհրդի նիստում Վարդան Այվազյանի և Կարեն Կարապետյանի միջև տեղի ունեցած միջադեպին: Բաղդասարյանը նշեց, որ հարցը գնում էր, թե ո՞վ պետք է զբաղվի այդ խնդրով՝ կառավարությու՞նը, թե՞ համապատասխան հանձնաժողովը: «Այնտեղ որևէ հակասություն չի եղել, առողջ մթնոլորտում եղել է քննարկում և այնտեղ խմբագրական բավականին խնդիրներ կան : Որևէ սուր նման տիպի արտահայտություն չի արվել»,- ասաց նա՝ հավելելով՝ նույն այդ պատգամավորը՝ Վարդան Այվազյանը ողջունելով և գովեստի խոսքերով է սկսել իր ելույթը: Ինչ վերաբերում է խոսակցություններին, թե հնարավոր է Գագիկ Բեգլարյանը նոր կուսակցություն հիմնի Բաղդասարյանն ասաց. « Ի՞նչ եք ուզում այդ մարդուց: Գագիկ Բեգլարյանը երեկ եղել է մեր գործադիրի նիստին, շատ բարձր տրամադրությամբ: Նա իր մնայուն և ուրույն տեղն ունի «Հանրապետական» կուսակցությունում: Այդ խոսակցությունները վառ երևակայություններ են»,- ասաց նա:
Հետևեք մեզ Viber-ում
