Ընտրությունների հետ կապված դրսում նոր բրենդ է ձևավորվել՝армянский карусель.Քոքոբելյան

Ընտրական օրենսգրքի քննարկմանը  ԱԺ նախագահ Գալուստ Սահակյանը  շնորհավորեց ՀԱԿ խմբակցության պատգամավոր Հրանտ Բագրատյանին՝ ծննդյան օրվա կապակցությամբ: Խաչատուր Քոքոբելյանը հորդորեց Գալուստ Սահակյանին, որ պահանջի կառավարությունից, որ հավուր պատշաճի վերաբերվեն ԱԺ-ին եւ ներկայանան: Գալուստ Սահակյանն էլ արդարացրեց, թե «Ճիշտ եք ասում, բայց գործի բերումով է եղել, ոչ թե ինչ-որ պատճառաբանություն»: Խաչատուր Քոքոբելյանն անդրադարձավ ԸՕ 9-րդ հոդվածի 18-րդ կետին. «Ասում էին, որ կոսմետիկ փոփոխություններ են արվելու, սա կոսմետիկ փոփոխություն չի,նահանջ կա: Սա շանտաժ է՝ բողոքարկման ինստիտուտը վերացնելու: Մենք դիտորդին, վստահված անձին, ոը կարող է քվեարկել կրկնաքվեարկությունը, վտանգում ենք, ասում ենք, եթե տեսել ես, որ քվեարկել է մի հատ խորը շունչ քաշեք, նոր հայտնեք այդ մասին»: «Նման հանրահաշիվ ընդհանրապես բնության մեջ չի եղել: Ուզում եք այնպիսի թվաբանություն ասեմ, որ 2 մանդատը դառնա 18 մադատ, մենք սրան դեմ ենք, սա անթույլատրելի է, բնության օրենքներին դեմ է», - ասաց ԱԺ պատգամավոր Խաչատուր Քոքոբելյանը՝ անդրադառնալով քաղաքապետի ընտրություններում  մեկ քաղաքական ուժի ստացած ձայները բոնուսային կարգով մյուսին տալուն: Պատգամավորի դիտարկմամբ՝ ընտրությունների հետ կապված դրսում նոր բրենդ է ձևավորվել՝ «արմյանսկի կարուսել»: