Արտակարգ դեպք Երևանում. ՖՈՏՈՌԵՊՈՐՏԱԺ

Այսօր՝ հոկտեմբերի 18-ին, Երևանի Հանրապետության հրապարակում Գեղարքունիքի մարզի Վարդենիս քաղաքի բնակիչ 40-ամյա Արմեն Երանոսյանը դիմելով ծայրահեղ քայլի, հայտարարել է հացադուլ և կարել շրթունքները: Ինչպես հայտնում է ֆոտոլրագրող Գագիկ Շամշյանը, այդ քայլին գնալու պատճառը այն է եղել, որ նրան աշխատանքից ազատել են Վարդենիսի ոսկու հանքում: SHAMSHYAN.com-ի հետ զրույցում նա ասաց. «Վարկ եմ վեկալել, անասուն եմ առել, տուն եմ սարքում, վերանորոգում եմ: Ասում եք, թողեք, եկեք Ռուսաստանից… եկել ենք: Հորս տարելիցին` իրիկուն ժամը 6-ին, երբ գործիս մնացել էր 2 ժամ, ինձ բռնել են, ասում են՝ խմած ես, «ալկագոլ» ես օգտագործել: Ես իմ սաղ պարտականությունները կատարել եմ: Հացադուլի եմ նստելու, մինչև իմ հարցին լուծում չտան»: Լուսանկարները՝ Սմբատ Պետրոսյանի