Հստակ քայլեր են պետք
Քիչ առաջ ՀՀԿ գրասենյակում ավարտվեց խորհրդի նիստը: ՀՀԿ խոսնակ Էդուարդ Շարմազանովը լրագրողների հետ զրույցում հայտնեց, որ նիստին քննարկել են կառավարության ծրագիրը։ Վարչապետ Կարեն Կարապետյանը ներկայացրել է ծրագրի նախնական տվյալները, տասնյակից ավելի հարցեր են եղել, դեռ մեկ-երկու օր կա վերջնական տարբերակը ներկայացնելու համար: «Ծրագիրը բխում է ՀՀ նախագահ ծրագրի հիմնադրույթներից, փետրվարի 12-ի ծրագրային ելույթից, որտեղ նախագահը մատնանշում է բարեփոխումների իրականացումը հանրային բոլոր ոլորտներում»,- ասաց նա և նշեց, որ առաջնահերթություններից մեկն այն է, որ հանրային կյանքի բոլոր ոլորտները համակարգային բարեփոխումների կարիք ունեն: «Շատ լուրջ տեղ է հատկացվում ՀՀ ներքին և անվտանգությանը։ Անվտանգության խնդիրները մնում են մեզ համար ամենաարդիականը»,- ասաց նա: Անդրադառնալով արտաքին քաղաքականությունը նա նշեց, որ իրենց կարծիքը մնում է հստակ՝ քայլեր ձեռնարկել բանակցությունների միջոցով, Մինսկ խմբի համանախագահության ձևաչափով հասնել խնդրի արդարացի կարգավորմանը, որի նպատակն է Արցախի անկախության միջազգային ճանաչումը:
Հետևեք մեզ Viber-ում
