Մի կերպ ընդդիմություն կայացավ, տվեցիք անդազահան եք անում . Ռուբեն Հակոբյան
Ընտրական օրենսգրքում փոփոխությունների նախագծի քննարկման ժամանակ Ժառանգություն խմբակցության պատգամավոր Ռուբեն Հակոբյանը հայտարարեց.« Եթե ՀՀԿ-ն համարում է, թե Վանաձորում հաղթանակ է տարել, պյուռոսյան հաղթանակ է: Էդ ի՞նչ իշխանիկների ամբիցիա է, որ անպայման պիտի մերը լինի: Սրտաճմլիկ ասում էիք՝ ո՞ւր է ընդդիմություն, չկա, ախր չենք դիմանում առանց ընդդիմության, ընդդիմությունը մի կերպ կայացավ, եկավ, տվեցիք անդազահան եք անում: Իրավունք չունեիք այդքան մանր պահեիք ձեզ: Գիտե՞ք ում եք նման, որ հարյուր հազարավոր լիտրով բենզին է բերում մեծածախ ու լիտրերով գալիս է, ինքն է վաճառում, մենակ իրեն լինի: Ճիշտ չեք անում, լավ չեք անում, պետականության մասին խոսողն իրեն այդքան մանր չի պահում»: Խորհուրդ եմ տալիս այն քրեական հեղինակություններին, գողականներին, որոնց բերում ու խցկում են իրենց ցանկ՝ ՀՀԿ-ից ոչնչով չեն տարբերվում. «Իշխանությունների քայլերն ինչի՞ եք ուզում կրկնօրինակել: Նրանք, միեւնույն է, գնալու են միանալու են իրենց երամին: Եթե չեն մտել իշխանության ցանկ, ուրեմն իշխանությունն ասել է՝ մեզ պետք չեք:Կոչ եմ անում ընդդիմությանը խելքի գալ: Այդ խաղի կանոններով մի խաղացեք: Կպարտվեք, եթե գողականների ցուցակով գնաք»:
Հետևեք մեզ Viber-ում
