ՊՆ մատակարարները գերշահույթ են ստանում վարդենիսցիների հաշվին.Փաշինյան
Կառավարության հրավիրած ԱԺ արտահերթ նիստին ՀԱԿ խմբակցության անդամ Նիկոլ Փաշինյանը հայտարարությամբ հանդես եկավ՝ հիշեցնելով, որ մի քանի օր առաջ վարդենիսցի կարտոֆիլագործները փակել էին գլխավոր մայրուղին. «Նրանք պնդում են, որ ՊՆ մատակարարները գերշահույթներ են ստանում՝ իրենցից կարտոֆիլը գնում են 40-45 դրամով, մինչդեռ ՊՆ-ին վաճառում են 80-104 դրամով: Կարծում եմ՝ ԱԺ-ն պետք է խորհրդակցությունների շարք սկսի, քանի որ գյուղացիները բառիս բուն իմաստով սնանկության եզրին են կանգնած»: ՕԵԿ խմբակցության ղեկավար Հեղինե Բիշարյանն էլ դժգոհեց՝ «Ի՞նչն է պատճառը, որ հրատապ կարգով են քննարկում Ընտրական օրենսգիրքը՝ 24-ժամյա ռեժիմով, կարծես 10 օրից ընտրություններ են»: Գալուստ Սահակյանն էլ պատասխանեց, որ սա իրենց օրակարգը չի, որ հանի. «Անընդհատ հուշում են, որ դա պետք է շուտափույթ կերպով արվի, եւ կառավարությունը դրել է իր օրակարգում: Կփորձենք կառավարության հետ խոսել»:
Հետևեք մեզ Viber-ում
