«Ո՞նց կարելի է Մովսես Հակոբյանին նշանակել ԳՇ պետ». Լևոն Շիրինյան

Քաղաքագետ Լևոն Շիրինյանը նորմալ է ընդունում պաշտպանության նախարարի պաշտոնում Վիգեն Սարգսյանի նշանակումը: Փոխարենը քաղաքագետը հարց է բարձրացնում՝ ո՞նց կարելի է Մովսես Հակոբյանին նշանակել ԳՇ պետ: Hayeli am-ի հետ զրույցում Շիրինյանը հայտարարեց, որ մեր հասարակության համար պետք է մտահոգիչ լինի Մովսես Հակոբյանի և ոչ թե Վիգեն Սարգսյանի նշանակումը: «Վիգեն Սարգսյանն ֆունկցիան կկատարի, բայց ԳՇ պետ նշանակել մի մարդու, որի վերաբերյալ տոննաներով «սալյարկի» խոսակցություններ կան…կարող է չի գողացել, բայց դուք զինվորի մոտ չեք կարող հավատ առաջացնել, որ նա «սալյարկա» չի գողացել, ծախել: Ինձ համար տարօրինակը նրա կենսագրությունն է: Այո՛, միշտ զինվորական է եղել, բարձրագույն կրթություն չունի զիվորական, մի տարի ընդամենը Ռուսաստանի ԳՇ ակադեմիայում սովորել է: Եթե մենք վերցնում ենք Արևմտյան մոդելը՝ Վիգենը այդպես է նշանակվել, ուրեմն ԳՇ պետը պիտի լինի ստրատեգ, նա պիտի լինի անբասիր կենսագրության տեր մարդ, նա պիտի կրի արևելյան և արևմտյան բանակի ուղեղ: ապոշիկով Բանակի ուղեղը շտաբն է, հիմա շտաբի պետ նշանակում են մեկին, որը կարգին ռազմական կրթություն չունի: Սա ինձ համար անընդունելի է»,-ասաց Շիրինյանը: Ըստ նրա՝ եթե մենք ենթադրում ենք, որ ԱԳՆ Նալբանդյանը ռուսամետ է, ապա այս արագայում Վիգեն Սարգսյանը կարող է արտաքին քաղաքականությունը ռազմական հատույթով հավասարկշռել Արևմուտքի հետ հարաբերույոթյուններով. «Այդ իմաստով՝ դա նույնիսկ արդարացված է»: Կարինա Սահակյան