Լևոն Մարտիրոսյանը՝ Յուրի Խաչատուրովի և Վիգեն Սարգսյանի նշանակումների մասին

  Hayeli.am-ի զրուցակիցն է ԱԺ ՀՀԿ խմբակցության պատգամավոր Լևոն Մարտիրոսյանը: -Պարոն Մարտիրոսյան, ըստ Ձեզ, Հայաստանին ի՞նչ կտա ՀԱՊԿ-ի գլխավոր քարտուղարի պաշտոնը: Որքանո՞վ են իրատեսական այդ պաշտոնի համար շրջանառվող հավանական թեկնածուների անունները: -Անուններն իրատեսական են: ՀԱՊԿ-ի գլխավոր քարտուղարի պաշտոնը ռոտացիոն կարգով է փոխանցվում Հայաստանին: Այստեղ արտառոց որևէ բան չկա: Կարևոր պաշտոն է, իհարկե: ՀԱՊԿ-ը  մեր անվտանգության համակարգի ամենակարևոր բաղադրիչներից է, մեր անվտանգության ձևաչափն է կարևորագույն: Այնպես որ չափազանց կարևոր կազմակերպություն մեզ համար լինելով՝ լավ է, որ  ՀԱՊԿ գլխավոր քարտուղարը ինչ-որ ժամանակահատվածում մեր երկրի ներկայացուցիչն է լինելու: Կա կարծիք, այնուամենայնիվ որ դա ձևական բնույթ է կրելու:  Եվ, ըստ էության, Ռուսաստանն է որոշումներ կայացնելու: Այս իրավիճակում որևէ ռազամական առանձնահատկություն, դրական լուծումներ սպասվո՞ւմ են: -Դա խնդրի հետ որևէ կապ չունի: Ռուսաստանը ՀԱՊԿ անդամ երկիր է՝ իր ծանրակշիռ ներկայությամբ և ազդեցությամբ: ՀԱԿՊ գլխավոր քարտուղարի անձը կամ որևէ երկիր ներկայացնելը այստեղ առնչություն չունի թեմայի հետ: Որպես ՀԱՊԿ գլխավոր քարտուղարի հավանական թեկնածու շրջանառվում է ԶՈՒ  ԳԽ շտաբի նախկին պետ Յուրի Խաչատուրովի անունը: Ձեզ համար նա ընդունելի՞ թեկնածու է: -Իհարկե: -Ինչո՞վ: -Իր փորձով, գիտելիքներով… -Իսկ հանրության ոչ միանաշանակ վերաբերմունքը նրա անձի նկատամամբ… -Գիտեք, հանրության վերաբերմունը չափվում է ինչ-որ կոնկրետ փաստերով: Ամենատարբեր պաշտոնյաներ ամենատարբեր վերաբերմունքի են արժանանում՝ արդարացիորեն, անարդարացիորեն: Հանրության ինչ-որ ենթադրական վերաբերմունքն օգտագործել այս կամ այն պաշտոնում նշանակվելու կամ առաջադրվելու համար ճիշտ տարբերակ չէ: -ԶՈՒ-ում  մի շարք փոփոխությունները են կատարվում: Պաշտպանության նորանշանակ նախարարը նոր ու տարբերվող մոտեցումներ ունի: Ինչպե՞ս եք գնահատում այս փոփոխություններից, ըստ Ձեզ ի՞նչ նոր որակ կարող են բերել սրանք: Ես դրական եմ գնահատում վերջին փոփոխությունները՝ և՛ անհատական կադրային լուծումների, և՛ գաղափարական քաղաքականության առումով: Այն ռազմավարությունը, որ Հանրապետության նախագահը նախանշել է և պաշտպանության նախարարը պատրաստվում է իրականացնել, իսկապես չափազանց կարևոր է մեզ նման երկրի համար: Մենք պետք է իսկապես անցնենք որակապես նոր պաշտպանական անվտանգային ռազմավարության և քաղաքականության ու այդ քայլերը արդեն մենք տեսնում ենք: Այնումանայնիվ, Վիգեն Սարգսյանի նշանակումը ոչ միանշանակ ընդունվեց, մենք սովոր էինք, որ այդ պաշտոնում պետք է անպայման զինվորական նշանակվի: Հիմա ի՞նչ պիտի նա բերի այդ ոլորտ, որը էկանաորեն կփոխի իրավիճակը դեպի դրականը: Նախ, մենք ունենք Սահմանադրության նոր խմբագրություն արդեն մեկ տարի գործող և ապագայում այն լիարժեքորեն պիտի կյանքի կոչվի: Զինված ուժերը պետք է ղեկավարվեն ԳԽ շտաբի պետի կողմից: Այստեղ, իսկապես, նորություն չկա: Իսկ քաղաքացիական վերահսկողությունը, քաղաքական վերահսկողությունը ԶՈՒ նկատմամբ պետք է իրականացվի ՊՆ-ի կողմից, որը քաղաքական նշանակում է ու  քաղաքացիական վերահսկողություն իրականացնող պաշտոնյաներ են: Աշխարհի այլ առաջադեմ երկրիների փորձն է, այնպես որ ուղղակի ընդամենը պետք է այս ուղղով գնալ: Հասկանալի է, որ նորություն է, բայց սա առաջիդամական  և ճիշտ տարբերակ է: Կարինա Սահակյան