Բոլոր կառավարությունների քաղաքական պատասխանատուն Հանրապետական կուսակցությունն է. Շարմազանով
«Բոլոր կառավարությունների քաղաքական պատասխանատուն Հանրապետական կուսակցությունն է, և բոլոր թերությունների և առավելությոնների պատասխանատուն մենք ենք», - «Առաջին լրատվականի» եթերում ասաց կուսակցության մամուլի խոսնակ Էդուարդ Շարմազանովը:«Եթե որևէ վարչապետ թերացել է, դրանում թերացել է կոնկրետ ՀՀԿ-ն, եթե որևէ վարչապետ առավելություն և ձեռքբերում է ունեցել, իսկ հաստատ ունեցել է, դրա պատասխանատուն էլ ենք մենք», - նշեց նա: Է. Շարմազանովը նշեց՝ նորնաշանակ վարչապետը ՀՀԿ կուսակցության, ՀՀ նախագահի կողմից առաջադրված վարչապետ է. «Մենք ամբողջությամբ սատարելու ենք նոր քաղաքական կաբինետի գործողությունները և, Հանրապետական կուսակցությունը, ինչպես նախկինում, այնպես էլ հիմա վարչապետ Կարապետյանի կաբինետին ամբողջությամբ պետք է սատարի»,-նշեց նա: Որպես ԱԺ փոխնախագահ՝ Էդուարդ Շարմազանովն ընդգծեց՝ շահագրգռված են, որպեսզի, թեկուզ մինչև ապրիլյան ընտրություններ, ԱԺ-կառավարություն կապը լինի բավականին սերտ:
Հետևեք մեզ Viber-ում
