Դժբախտ պատահար. տրակտորը կանգնեցրել է, որն սկսել է շարժվել, վազել է, որ հասնի՝ շրջվել է իր վրա

Այսօր՝ սեպտեմբերի 14-ին, դաժան ու ողբերգական դեպք է տեղի ունեցել Լոռու մազում: Ժամը 17:00-ի սահմաններում Լոռու մարզի Ճոճկան գյուղի բնակիչ, 65-ամյա Ժորա Վարդանյանը իր վարած ДВШ-16 առանց պետհամարանիշի տրակտորով նշված գյուղի դաշտավայրում կորցնելով տրակտորի կառավարումը՝ կողաշրջվել է: Ինչպես հայտնում է ֆոտոլրագրող Գագիկ Շամշյանը, վարորդը դաշտում գյուղատնտեսական աշխատանքներ է կատարելիս եղել, նա մնացել է տրակտորի տակ և տեղում մահացել: Դեպքի վայր են ժամանել Լոռու մարզի Թումանյանի ոստիկանության բաժնի աշխատակիցները՝ բաժնի պետ Վահագն Մոսինյանի գլխավորությամբ: Ժամաել են նաև ՃՈ 2-րդ սպայական գումարտակի 5-րդ վաշտի 2-րդ դասակի աշխատակիցները՝ դասակի հրամանատար Սմբատ Նորեկյանի գլխավորությամբ: Դեպքի վայր է ժամանել Ալավերդու շտապօգնության 1 բրիգադ: Դեպքի մասին ՃՈ օպերատիվ կառավարման կենտրոնից պատասխանատու հերթապահ Միքայել Աղաբեկյանը տեղեկությունը փոխանցել է Հայաստանի քննչական կոմիտեի Լոռու մարզային քննչական վարչության Թումանյանի քննչական բաժին, որտեղից դեպքի վայր է ժամանել քննչական խումբը՝ ավագ քննիչ Կարեն Մոսինյանի գլխավորությամբ, ում կողմից հարուցվել է քրեական գործ՝ ՀՀ քր. օր.-ի 242-րդ հոդվածի 2-րդ մասի հատկանիշով: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: