Մեր երկիրը երբեք լավ վիճակ չի ունեցել. Գալուստ Սահակյան

ԱԺ-ում լրագրողների հետ զրույցում ԱԺ նախագահ Գալուստ Սահակյանը անդրադարձավ Հովիկ Աբրահամյանի հրաժարականին՝ նշելով, որ այն պայմանավորված էր երկրի տնտեսության ծանր վիճակով: Հարցին, թե ինչպե՞ս է վարչապետը դուրս բերելու երկիրը այդ ծանր վիճակից, արդյոք կա՞ն համապատասխան ռեսուրսներ, խորհրդարանի խոսնակն այսպես պատասխանեց. «Ինքը լավ մասնագետ է: Վարչապետի հիմնական գործը տնտեսությունն առաջ տանելն է: Կարծում եմ, որ որոշակի հետևելու, կատարելու, կատարողներին վերլուծելու առանձին օղակներ կստեղծվեն, որը ժամանակին կզգա իրողությունները ու իշխանությունները կկարողանան»: Երկրի ծանր վիճակի մասին պնդումներին Գալուստ Սահակյանն ասաց, որ երկիրը երբեք լավ վիճակ չի ունեցել. «2000 թ.-ին ժողովրդի կեսին արդեն պարտք էր երկիրը: Եւ մի կերպ կարողացանք դրանից դուրս գալ: Երբեք ու երբեք նորանկախ Հայաստանը լավ վիճակ չի ունեցել: Եթե էսօրվա վիճակը համեմատենք 96թ.-ի, 2000-ի հետ, այսօրվա վիճակը շատ լավ է »: